26-августта Беларуста Владимир Путин Украинанын президенти менен жолугушат

26-августта Беларусь Республикасынын борбору Минск шаарында Бажы биримдигине мүчө мамлекеттердин башчылары Украинанын президенти Пётр Порошенко менен жолугушат. Бул тууралуу бүгүн, 20-августта Орусиянын президенттик аппаратынын басма сөз кызматына шилтеме берүү менен орусиялык басылмалар жазып чыгышты.

Маалым болгондой, бул жолугушууга Европа комиссиясынын өкүлдөрү да катышат. Анда эки тараптуу сүйлөшүүлөр күтүлөт. "Иш-чарада Украинадагы таңсыктык, Донбасстагы энергетикалык коопсуздук жана кырдаал талкууланат" деп айтылат маалыматта.

Автор: Нургазы Аматов