Кышка даярдыкты текшерүү үчүн Абдырахман Маматалиев Баткенге учуп кетти

Бүгүн, 23-августта вице-премьер-министр Абдырахман Маматалиев күз-кыш мезгилине карата райондук, облустук штабдардын даярдыгын текшерүү үчүн Баткен облусуна учуп кетти. Эскерте кетсек, 2014-жылдын 6-августунда өкмөт башчынын жарлыгы менен күз-кыш мезгилине даярдыктын абалына мониторинг жүргүзүү үчүн жумушчу топ түзүлгөн. Маматалиев Баткен шаарында жыйын өткөрмөкчү. Ага министрликтердин, мекемелердин, күч түзүмдөрүнүн жана жергиликтүү бийликтин өкүлдөрү катышарын өкмөттөн кабарлашты.

Автор: Автандил Добулбеков