“№47-колониянын башчысынын орун басарын бычактап салган” деп шектелген жаран СИЗОдо ур-токмокко алынганы тууралуу айтты

“№47-түзөтүү колониясынын башчысынын орун басары Милан Шакиевди бычактап салган” деп шектелип кармалгандардын бири Нуркемел Искендеров аталган фактыга эч кандай күнөөсү жоктугу жана СИЗОдо ур-токмокко алынгандыгы тууралуу айтып берди.

“2013-жылдын 26-декабрында мен “Народный” дүкөнүнүн жанында досум менен 10 мүнөткө токтоп сүйлөшүп калгам. Биздин жолугушуубуз видеокамерага тартылып калган экен. Милиция кызматкерлери ушул видеожазууларга жана М.Шакиевдин көргөзмөсүнө таянып, бизди кылмышка шектүү катары кармап алышкан. Чындыгында аны бычактап кетүү саат 17:00 чамасында орун алса, биз саат 15:00 чамасында жолукканбыз.

СИЗОдо ур-токмокко алындык. Натыйжада кыр арка сөөгүмдүн эки жеринен жана башымдан жаракат алып, учурда абалым начар”,- деди ал.

“2014-жылдын 19-августунда Н.Искендеров эч жакка чыкпоо каты менен үйүнө чыгарылган. Ал эми аны ур-токмокко алган СИЗОнун 4 кызматкери У.Сүйөркулов, С.Ботбаев, Т.Моношов жана А.Сатаровго карата “кыйноо” беренесинин негизинде кылмыш ишин козгоо боюнча арыз жазганбыз. Учурда Октябрь райондук соту тарабынан териштирүү иштери жүрүүдө”,- деди адвокат Динара Медетова.

Автор: Нургазы Аматов
Фото: Нургазы Аматов

14:25 25-08-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (2)

mirbakg

2014-08-25 14:45:45

Кыргызстанда ушу да карапайым калктын баласын уруп токмоктоп кылбаган кылмышты кылдырып делону жабышат !! Ушул мойнуна алдырган адамдар коркушпайбы оздорунун бир туугандары бар жок жерден отуруп тагдыры талкалангандар-чыгып-оч алат деп!!

chomly88

2014-08-26 13:43:26

Алладан коркпогондор карапайым адамдардан коркмок беле жакындары жазаласа аларды да милиция кызматкерине кол которуу беренеси менен отургузуп салышат бат эле. Прокурор,сот,милиция кызматкери булардын баарынын тили бир.

Комментарий калтыруу үчүн өз ысымыңыз менен кириңиз же каттоодон өтүңүз.