Өкмөттүн Баткен облусундагы өкүлү Жеңиш Разаков: "Кыргыз-тажик чек арасында абал туруктуу"

Кыргыз-тажик чек арасында абал туруктуу. Бул тууралуу өкмөттүн Баткен облусундагы өкүлү Жеңиш Разаков SUPER.KG порталына бүгүн, 26-августта билдирди.

Анын айтымында, учурда Интернационал айылында эки тараптын күч түзүмдөрүнүн өкүлдөрү сүйлөшүүлөрдү жүргүзүп жатышат.

“Кулунду-Максат унаа жолунун курулушу боюнча эки тараптуу келишимге кол коюлган болчу. Кечээки окуяда көпүрөнү куруу иштерин токтотуу аракети болуптур. Учурда жергиликтүү элге түшүндүрүү иштерин жүргүзүп жатабыз”,- деди Жеңиш Разаков.

Эске сала кетсек, кечээ, 25-август күнү Лейлек районунун Кулунду айылынын Сай аймагында тажик чек арачылары такталбаган аймакка 800-900 метр ичкери кирип келишип, чек ара бекетин орнотууга аракет кылышкан. Бирок буга кыргыз чек арачылары жол беришкен эмес. Натыйжада 30 мүнөткө созулган эки тараптуу ок атышуу орун алган.

Автор: Бекжан Рыскулов