Бишкекте Кара-Көл шаардык кеңешинин мурдагы депутаты, коомчулукта Жин деген каймана атка ээ Алтынбек Арзымбаевди атып кетишти

Бишкекте Кара-Көл шаардык кеңешинин мурдагы депутаты Алтынбек Арзымбаевди атып кетишти. Бул тууралуу Бишкек шаардык ички иштер башкы башкармалыгынан билдиришти.

Маалыматка караганда, Алтынбек Арзымбаевди кечээ, 26-август күнү кечинде белгисиз адамдар 8-кичи райондон атып кетишкен. Ал алган жараатынан улам ошол жерде каза тапкан.

Айта кетсек, март айында дагы Алтынбек Арзымбаевге кол салуу болгону айтылган эле. Анда белгисиз 3 адам ага карата ок чыгарышкан, бирок Алтынбек Арзымбаев качып кетүүгө үлгүргөн. Ошондой эле ал коомчулукта Жин деген каймана атка ээ.

Эске салсак, мындан 2 жыл мурун Алтынбек Арзымбаев "Ата Мекен" партиясынын тизмеси менен Кара-Көл шаардык кеңешинин депутаты болуп шайланган. Бир ай мурун ал кылмыш иштерине байланыштуу мандатынан ажыратылган болчу.

Буга чейин ички иштер министри Абдулда Суранчиев уюшкан кылмыштуу топтор менен байланышы бар депутаттарды атаган эле. Анда Алмазбек Кулболдиев (КСДПдан Кара-Булак айылдык кеңешинин депутаты), Калыбек Нургожоев ("Республика" партиясынан Кара-Балта шаардык кеңешинин депутаты), Алтынбек Арзымбаев ("Ата Мекен" партиясынан Кара-Көл шаардык кеңешине талапкер), Самат Токталиев (КСДПдан Чолпон-Ата шаардык кеңешине талапкер), Бакыт Баркалбасов ("Улуу Кыргызстан" партиясынан Чолпон-Ата шаардык кеңешинин депутаты), Замирбек Тургумбаев (Ош облусунун Кара-Суу районундагы Сарай айылдык кеңешинин депутаты), Эржигит Пасанов (Өзгөн районундагы Куршаб айылдык кеңешинин депутаты), Замир Сыргабаев ("Республика" партиясынан Баткен облусундагы Кызыл-Кыя шаардык кеңешинин депутаты), Тынычбек Бекболотов (Лейлек районундагы Кулунду айылдык кеңешинин депутаты), Бакытбек Жетигенов, ("Ар-намыс" партиясынан 5-чакырылыштагы Жогорку Кеңештин депутаты), Турусбек Ногоев (Жайыл районундагы Бекитай айылынын тургуну, аталган райондун акими), Таалайбек Сүйүмбаев ("Эл-Аман" партиясынан депутат, Кара-Балта шаардык кеңешинин төрагасы), Жээнбек уулу Белек (Жайыл районундагы Талды-Булак айылдык кеңешинин депутаты), Руслан Жумагулов (Талды-Булак айылдык кеңешинин депутаты), Урмат Осмонкуловдун (Панфилов районундагы Кайыңды айылдык кеңешинин депутаты) ысымдары бар болчу.

Кримавторитет делген Жинди атып кетишти. Өз ысымы Алтынбек Арзымбаев

Автор: Бекжан Рыскулов
Фото: Интернеттен алынды

08:46 27-08-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (11)

zman53

2014-08-27 08:49:57

"Заказнойбу" же тазалануубу?

zamir..

2014-08-27 09:02:33

Ёё.брат жаткан жерин жайлуу болсун.жаман чойродон алыстап эле кетпедин беле.

chiks

2014-08-27 09:03:13

Мен кечинде эле коргом ишене албай турам

uran001

2014-08-27 09:19:45

Ата мекенден депутат болуп шайланды беле?

admin_portal

2014-08-27 09:31:28

Apsi,
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерге жазылып жөнөтүлүшү керек.

Bazake

2014-08-27 09:36:48

Ооба Ата Мекен партиясынан депутат болуп шайланган!

kamarik

2014-08-27 09:49:34

ооба тиги чойродон алыстабады беле

Baktiar93

2014-08-27 11:08:13

Ошо алыстаганы учун атып кетишти да

abdumator

2014-08-27 13:46:57

Криминалдык разборка го. Гезиттерде ал жазган жашоомо "челюсть" атту депутат Алтынбек Сулайманов коркунуч туудуруп датат деп. Бул башкалерга да эскертүү болуш керек.

Nuriss

2014-08-27 13:59:43

Шайыр дайыма жаштарды колдоп жургон братан,Кудайым жаткан жерин жайлу кылып,билип билбей кылган кунолорун кечирсин. Амиин!

Patrik

2014-08-27 14:42:06

Жаткан жери жайлуу болсун

Комментарий калтыруу үчүн өз ысымыңыз менен кириңиз же каттоодон өтүңүз.