Бишкекте Эгемендүүлүк майрамына 5 миңден ашуун жаран катышты (фоторепортаж)

Майрамдык иш-чаранын расмий бөлүгү бүтүп, жарандардын айрымдары калып концерт көрүүнү улантса, башкалар сейил бакка жөнөп кетишти.

Баланын чачы укмуш...

Салтанаттын жүрүшүнөн...

Салтанатка 5 миңден ашуун адам келди.

Алмазбек Атамбаев: "Ушул жылдын 1-октябрынан тарта Кыргызстандын түндүк аймагында жаратылыш газынын баасы 1,5 эсе арзандайт".

Алмазбек Атамбаев: "23 жыл ичинде кыргыз эли өтө татаал жолду басып өттү".

Кыргызстандын гимни аткарылды.

Иш-чаранын жүрүшүнөн...

Майрамга ардагерлер чакырылды.

Иш-чара түрк, кыргыз жана башка чет элдин улуттук бийлери менен өттү.

Майрамдык концертке чет өлкөлөрдүн Кыргызстандагы элчилери күбө болушту.

Бүгүн, 31-августта Бишкекте Кыргызстандын эгемендүүлүгүнүн 23 жылдыгы белгиленди. Иш-чарага КРнын Президенти Алмазбек Атамбаев, премьер-министр Жоомарт Оторбаев, Жогорку Кеңештин төрагасы Асылбек Жээнбеков, Бишкектин мэри Кубанычбек Кулматов, өкмөт жана парламент өкүлдөрү катышты.

Бүгүн, 31-августта Бишкекте Кыргызстандын эгемендүүлүгүнүн 23 жылдыгы белгиленди.

Иш-чарага КРнын Президенти Алмазбек Атамбаев, премьер-министр Жоомарт Оторбаев, Жогорку Кеңештин төрагасы Асылбек Жээнбеков, Бишкектин мэри Кубанычбек Кулматов, өкмөт жана парламент өкүлдөрү катышты. Алардан тышкары чет өлкөлөрдүн Кыргызстандагы элчилери, ардагерлер, ардактуу коноктор да майрамдык концертке күбө болушту.

Салтанат жаштардын аткаруусунда түрк, кыргыз жана чет элдин бийлери менен башталды. Андан соң шаардын башчысы К.Кулматов кыргызстандыктарды Эгемендүүлүк күнү менен куттуктап, сахнага өлкө башчы А.Атамбаевди чакырды.

Президент кыргыз жана орус тилинде мекендештерге куттуктоолорду арнап, өлкөнүн 23 жылдык тарыхындагы негизги окуяларды эскертти. Ал өз сөзүндө энергетика тармагындагы көйгөйлүү маселелерге токтолуп, "2014-жылдын 1-октябрынан тарта өлкөнүн түндүк аймагында газ 1,5 эсе арзандайт" деп баса белгиледи.

Айта кетсек, салтанаттуу иш-чарага 5 миңден ашуун адам келди. Анын расмий бөлүгү саат 10:00дө башталып, 11:50дө аяктады. Андан соң концерттик бөлүгү башталганда айрымдар аянтта калып күбө болууну улантса, башкалар сейил бактарга кетишти.