Чүй районунда 3 унаанын катышуусунда жол кырсыгы катталып, 3 адам каза тапты

Кечээ, 31-август күнү Токмок – Кошой унаа жолунун 11-чакырымында 3 автоунаанын катышуусунда жол кырсыгы катталган. Анын кесепетинен 3 адам каза болуп, 5 адам "Тез жардам" тарабынан райондук ооруканага жеткирилген. Бул тууралуу ӨКМнын басма сөз кызматы бүгүн, 1-сентябрда билдирди.

Каза болгондор:

Фольксваген Венто унаасынын айдоочусу Жаңыл Шейшеналиева;

Фольксваген Гольф 3 унаасынын айдоочусу М.Беткулов;

Фольксваген Гольф 3 унаасынын жүргүнчүсү (аты-жөнү тактала элек).

Жабыркагандар:

Азат Нуржанов;

Нуржан Сыдыкова;

Алик Абдылдаев;

Света Бугубаева;

Кенжебүбү Шакеева;

Фольксваген Пассат унаасынын айдоочусу жабыркаган эмес.

Автор: Бекжан Рыскулов