Өзгөчө кырдаалдар министрлиги кызматкерлеринин арасындагы сынактын жеңүүчүлөрүн сыйлады

Өзгөчө кырдаалдар министрлиги министрликтин кызматкерлеринин арасында өткөн "КРнын Өзгөчө кырдаалдар министрлигинин мыкты кызматкери" сынагынын жыйынтыгын чыгарды. Мекемеден билдиришкендей, сынак кызматкерлердин мыктыларын аныктоо, кызматкерлерге дем-күч берүү максатында уюштурулган. Ага катышуу үчүн 15 адамдан кайрылуу түшүп, 7 талапкер тандалганы айтылды. 1 адам катышуудан баш тартып, сынакта 6 адам ат салышкан. Катышкандар:

Асел Токтакунова, башкы адис;

Чынара Жумакадырова, куткаруучуларды даярдоо кафедрасынын башчысы;

Иван Панин, башкы адис;

Ташполот Беккелдиев, башкы адис;

Элдияр Кудабаев, окуу борборунун башчысы;

Татьяна Черникова, башкармалык жетекчиси.

Катышуучулар өз жумуштарына байланышкан темада презентация жасап, аны коргошу зарыл болгон. Жыйынтыгында 1-орунду Ташполот Беккелдиев, 2-орунду Элдияр Кудабаев, 3-орунду Асел Токтакунова ээледи. 1-орунга 10 миң сом, 2-орундун ээсине 7 миң сом, 3-орундун ээсине 5 миң сом акчалай сыйлык берилди.

Автор: Автандил Добулбеков