Эльвира Сариева бирдиктүү мектеп формасы боюнча Билим берүү министрлигин сынга алды

Вице-премьер-министр Эльвира Сариева бүгүн, 2-сентябрда окуучулардын бирдиктүү мектеп формасы боюнча кеңешме өткөрдү. Сариева бирдиктүү мектеп формасына мектептерди даярдоо боюнча тийиштүү министрлик начар иштеп жатканын айтты. "Мунун айынан ата-энелер бул жылы окуучулар бирдиктүү форма кийүүгө милдеттүү же милдеттүү эмес экенин билбей калышты. Бул Билим берүү министрлигинин кемчилиги. Муну менен бирге учурда бирдиктүү мектеп формасы жетиштүү санда сатыкка чыкпай жатат",- дейт вице-премьер.

Автор: Автандил Добулбеков