Бишкекте кытай жараны 3-кабаттан кулап каза тапты

Бишкекте кытай жараны 3-кабаттан кулап каза тапты. Бул тууралуу Бишкек ШИИББинен бүгүн, 3-сентябрда кабарлашты.

Бишкек ШИИББинин басма сөз кызматы "Окуя 30-августта Бишкек шаарынын Чыгыш-5 кичи районундагы батирлердин биринде болгон. Ал жерге милиция кызматкерлери барышып, жерде жаткан кытай жаранын көрүшкөн. Учурда кытай жаранынын кандайча каза тапканы иликтенип жатат" деп билдирди.

Айрым маалыматтарга караганда, ошол күнү арак ичип отурушкан 6 кытай жаранын ортосунда уруш чыккан. Кийин бир кытай жараны терезеден кулап каза тапкан.

Автор: Мирлан Өмүралиев