Алтынбек Сулайманов өкмөткө: “Электр энергиясын асмандан аласыңарбы, жерден казып аласыңарбы, иши кылып свет өчпөсүн”

Депутат Алтынбек Сулайманов бүгүн, 4-сентябрда парламент жыйынында өкмөт өкүлүнө кайрылып: “Электр энергиясын асмандан аласыңарбы, жерден казып аласыңарбы, иши кылып кышында свет өчпөсүн”,- деди.

Депутат светтин жоктугуна эл чыдашы мүмкүн экенин, бирок мамлекет чыдабай турганын кошумчалады.

“Министр Осмонбек Артыкбаев "быйыл электр энергиясы болбойт" деп ачык эле айтып жатат, өкмөт өзү эмне жумуш кылып жатат? Билбейм, свет жок болсо эл чыдап жатат дейли, а салыкты каяктан жыйнап, пенсия, пособие, айлыктарды кантип бересиңер?”- деди ал.

Автор: Жамалидин Парманкулов