Таластагы Боо-Терек жана Өзгөрүш айыл өкмөттөрүнүн кызматкерлери "мыйзамсыз жер берип жиберген" деп айыпталышууда

Быйылкы жылдын 1-сентябрында Бакай-Ата районундагы Боо-Терек жана Өзгөрүш айылдарынын жооптуу кызматкерлерине райондук прокуратура кылмыш ишин козгоду. Алар жер жөнүндө мыйзамдарды бузуу фактысы боюнча айыпталышууда. Башкы прокуратура буларды билдирет:

Боо-Терек айыл өкмөтүнүн жооптуу кызматкери Жер кодексинин талаптарын бузуу менен 2012-жылдын 27-ноябрында токтом чыгарып, С.Ж. аттуу жаранга жайыт жердин аймагынан үй, сарай куруу үчүн мыйзамсыз жер берип жиберген.

Өзгөрүш айыл өкмөтүнүн жооптуу өкүлү Жер кодексинин талаптарын бузуп, мурда үй-жайы бар Ж.Ч. аттуу жаранга 2014-жылдын 16-майында токтом чыгартып, мыйзамсыз жер тилкесин берген. Фактылар боюнча тергөө иштери жүрүп жатат.

Автор: Автандил Добулбеков