Бишкекте бүгүн, 8-сентябрда 147 жаран ажылык сапарга аттанат

Бүгүн, 8-сентябрда 147 жаран Бишкектен Меккеге ажылык сапарга аттанат. Муфтияттын маалыматы боюнча, алгачкы каттам менен борбор шаардын жана Нарын облусунун зыяратчылары жөнөшмөкчү.

Кыргызстан мусулмандарынын дин башкармалыгы кечээ, 7-сентябрда "Ажылык-2014" штабы менен жыйын өткөрүп, зыяратчыларды Мадина жана Мекке шаарларындагы мейманканаларга жайгаштыруу, тартип маселелеринде ажы башчылары кененирээк түшүндүрмөлөрдү берип, жоопкерчиликтүү болушу керектиги эскертилгени айтылды. "Иш-чарада ажылык сапарга аттанган жарандарга ажылардын ибадаттарын толук, кемчиликсиз аткарып келүүсү үчүн аларга диндин негиздеринен ажы башчылары тез-тез айтып, эскертип туруулары талкууланды" деп билдирет мекеменин маалымат кызматы.

Экинчи каттам Ош шаарынан 9-сентябрь күнү жөнөйт, анда Баткен облусунун 174 жараны аттанмакчы.

Автор: Автандил Добулбеков