Нефтетрейдерлер ассоциациясы: "Кыргызстанда бензиндин жетишсиздиги күтүлбөйт"

Кыргызстанда күйүүчү-майлоочу майлардын таңсыктыгы күтүлбөйт. Муну бүгүн, 8-сентябрда Кыргызстандын нефтетрейдерлер ассоциациясынын басма сөз кызматы билдирди. Маалыматка таянсак, күйүүчү майлар боюнча Казакстандагы кырдаал Кыргызстанга таасирин тийгизбейт. "Орусиядагы мунайды кайра иштетүүчү заводдун ишке берилишине байланыштуу баалардын төмөндөшү күтүлөт",- деп билдирет мекеме. Айта кетсек, буга чейин Казакстанда бензиндин тартыштыгы жаралып жатканы айтылган. Коңшу өлкөдөгү ири май куюучу жайлар талон аркылуу гана унааларга бензин куюп жатканы маалымдалган болчу.

Автор: Автандил Добулбеков