Салык кызматкерлери мыйзамсыз сатыкта турган 80 миң сомдук спирт ичимдигин ачыкка чыгарышты

Мамлекеттик салык кызматынын өкүлдөрү контрабандалык азык-түлүктөрдү ачыкка чыгаруу планы боюнча Бишкек шаары менен Баткен облусунда рейд жүргүзүштү. Муну бүгүн, 10-сентябрда мекеменин басма сөз кызматы билдирди. Рейдде бир катар фактылардын бети ачылды. Мыйзамсыз сатыкта турган 1700 бөтөлкө спирт ичимдиги колго түштү, баасы 80 920 сомду түзөт. "Дордой-Дыйкан" базарынан акциздик маркалары туура эмес чапталган (жарым литрлик бөтөлкөгө 0,25 литрге тийиштүү марка чапталган) 1180 бөтөлкө спирт ичимдиги аныкталды.

Автор: Автандил Добулбеков