Асылбек Жээнбеков: “Өлкө санариптик берүүгө өтсө, Жогорку Кеңеш бир каналды алат”

Кыргызстан 2015-жылы санариптик берүүгө өтсө, Жогорку Кеңеш өзүнчө бир каналды алат. Муну парламенттин 11-сентябрдагы жыйынында спикер Асылбек Жээнбеков билдирди. Төрага муну менен парламенттин ишин эл үзгүлтүксүз көрүүгө мүмкүнчүлүк аларын белгиледи. “Эки күндүк жалпы жыйынды, комитет отурумдарын түз алып көрсөтүү болот. Муну менен комитеттердеги тартипти да жолго салабыз. Мыйзамдарды сапаттуу кабыл алууга жол ачылат”,- деди Жээнбеков.

Парламент жетекчиси Жогорку Кеңештин аброю депутаттардын активдүүлүгүнө байланыштуу экенин белгиледи.

Автор: Автандил Добулбеков