Казакстан парламентинин өкүлү: “Казакстан Бажы союзунан өз ордун тапты”

“Казакстан Бажы союзунан татыктуу ордун тапты”,- деп билдирди Казакстан Мажилисинин депутатты Избак Умурзаков. Бул тууралуу депутат бүгүн, 12-сентябрда Жогорку Кеңеште өтүп жаткан кыргыз-казак парламент өкүлдөрүнүн Бажы биримдиги тууралуу пикир алышуусунда айтты.

Анын билдиришинче, Казакстандын Бажы биримдигине кириши өлкө эгемендүүлүгүнө эч кандай терс таасирин тийгизген жок.

“Казакстандын өзүнүн ички пландары бар. Айыл чарба өндүрүмү, башка чарбачылыктары да жетиштүү. Казакстан Бажы биримдигинен өз ордун тапты”,- дейт Умурзаков.

Автор: Жамалидин Парманкулов