Арча-Бешик жаңы конушунда муниципалдык аймакты мыйзамсыз басып алуу катталды

Борбор калаада Арча-Бешик жаңы конушунда муниципалдык аймакты мыйзамсыз басып алуу катталды. Бул тууралуу 12-сентябрда мэриянын басма сөз кызматы билдирди.

Аталган конуштун Чортеков-Ахунбаев көчөлөрүнүн жана Чортеков-Кең-Суу көчөлөрүнүн кесилишиндеги муниципалдык аймагына мыйзамсыз 5 контейнер орнотулган.

Бишкек шаарынын Жеке турак жай куруу департаментинин кызматкерлери, Ленин райондук администрациясынын жетекчилери, №4-муниципалдык аймактык башкармалыгы, Ленин райондук ички иштер башкармалыгынын кызматкерлери менен биргеликте “контейнерлерди башка жерге жайгаштыруу жөнүндө” акт түзүлдү. Акттын негизинде контейнерлерди алып салуу белгиленген. 2 контейнер өз ыктыяры менен алынып, 3 контейнерди аргасыздан кыстоо менен алынган.

Автор: Айпери Ганыжан кызы