Социалдык өнүгүү министрлиги тарабынан сентябрь айында 463 миллион сом жөлөк пул төлөндү

Социалдык өнүгүү министрлиги тарабынан сентябрь айында 463,7 миллион сом өлчөмүндө жөлөк пул төлөндү. Бул тууралуу 15-сентябрда аталган мекеменин басма сөз кызматы билдирди.

Маалыматка караганда, 345 миллион 931,3 миң сом мамлекеттик жөлөк пулдарды каржылоого багытталган. Ал эми 117 миллион 802,7 миң сом сөөктү жерге берүүдө, акчалай компенсация жана жеңилдиктер үчүн берилген. Үстүбүздөгү жылдын сентябрь айы үчүн социалдык колдоого багытталган каражаттын жалпы суммасы 463 миллион 734 миң сомду түздү.

Автор: Айпери Ганыжан кызы