Мамлекеттик салык кызматынын башчысы: "8 айда салык чогултуу планы 96 пайызга аткарылды"

Кыргызстанда 2014-жылдын 8 айында салык чогултуу планы 96 пайызга аткарылды. Муну 15-сентябрда парламенттин Бюджет жана финансы комитетинин жыйынында Мамлекеттик салык кызматынын башчысы Замирбек Осмонов билдирди. Анын билдиришинче, 8 айда 26 миллиард сом жыйналды, план боюнча 27,1 миллиард сом жыйналышы керек болчу. "Мамлекеттик бюджетте 8 ай үчүн 859 миллион сом жетишсиз. Президент менен премьер-министрдин алдында аталган көрсөткүчтү 100 пайыз кылууга милдеттендирилгенбиз. Бул планды аткарууга аракет кылып жатабыз",- деди башкы салыкчы.

Автор: Автандил Добулбеков