Токмокто митинг өткөргөндөр милиция тарабынан улгайган адамдарга күч колдонулгандыгына нааразы болушууда

Бүгүн, 15-сентябрда Токмок шаарындагы мунайды кайра иштетүүчү ишкананын алдында уюштурган митингдин катышуучулары милиция тарабынан күч колдонулгандыгына нааразы болушууда. Бул тууралуу SUPER.KG порталына “Кыргыз чоролору” коомдук бирикмесинин жетекчиси Замирбек Көчөрбаев билдирди.

“Бүгүн 100-150 чакты жергиликтүү тургун чогулуп, аталган ишкананын ишин токтотуу талабы менен митингге чыкканбыз. Иш-чаранын жүрүшүндө милиция кызматкерлери митингди өткөрүүгө тоскоолдук жаратып, 5-6 улгайган апаларыбызды ары-бери сүйрөштү. Эми бул факт боюнча иш козголобу же козголбойбу белгисиз”,- деди З.Көчөрбаев.

Андан соң ал 19-сентябрга чейин талаптар аткарылбаса, тургундар кытай кызматкерлерин күч менен кетирүүгө ниеттенгенин баса белгиледи. “Бул мунай ишканасы биздин үйлөрүбүздөн 100 метр аралыкта жайгашкан. Мындан тышкары жаңы салынган дагы бир база бар. Ал жакка вагондор менен бензин куюшат. Андан чыккан жытка тургундар ууланып, ооруканага жатышууда. Эгер биз азыртадан бул ишкананы жаппасак, жакын жайгашкан аймактагы үйлөрдүн тургундары да ууланып калышы мүмкүн”,- деп түшүндүрдү ал.

Айта кетсек, буга чейин Чүй ОИИББинин басма сөз кызматы аталган митингге 100 эмес, 30 эле адам чыкканын билдирген. Мындан тышкары бул кызмат митингдин жүрүшүндө эч кандай укук бузуулар катталбаганын да белгилеген.

Токмоктогу митинг

Автор: Нургазы Аматов

18:22 15-09-2014

Жазылуу

РУБРИКАДАГЫ СОҢКУ КАБАРЛАР

13:58 2025-06-08 | Түркүн дүйнө

АКШда Лос-Анжелестеги башаламандыктардан улам демонстранттарга беткап кийүүгө тыюу салынат 25 0

13:44 2025-06-08 | Түркүн дүйнө

АКШда дүйнөгө белгилүү TikTok жылдызы кармалган 168 0

13:26 2025-06-08 | Түркүн дүйнө

Индонезиянын президенти футболчуларга Rolex кол сааттарын белекке берди 183 0

13:05 2025-06-08 | Түркүн дүйнө

АКШнын Улуттук гвардиясы Лос-Анжелеске нааразылык акцияларына байланыштуу жайгаштырылат 297 0

12:13 2025-06-08 | Түркүн дүйнө

Белгилүү актёр жана музыкант Жаред Лето ыдык көрсөтүүлөргө айыпталууда 307 0

11:46 2025-06-08 | Түркүн дүйнө

Трамп орун басары Вэнске Маскты сындаганга тыюу салган 537 0

Архив

Комментарийлер (2)

zman53

2014-09-15 18:30:51

1-ден ишкана курула баштаганда пикетке чыксанар болмок,2-ден кемпирлерди аралаштырып эмне кыласынар? Милицияга баары бир,алар эч кимди киши ордуна корбойт.Ошол учун эл арасында алар кадыр-баркка ээ эмес.

Мэри

2014-09-15 18:54:03

Митингге чыккандарга түшүнбөй баратам: бир ишкана ачылып, жумуш орундары түзүлүп, ишке кирсе эле "антип калдык, минтип калдык, жапкыла" деп чыгышат, анан кайра "жумуш жок, эл тентип кетти" деп бийликке күнөө коюшат. Бир нерсе кылалы десе эле жол тосуп, тоскоолдуктарды жаратышат, "кымышка катыштыгы бар" деп бирөөлөрдү кармаса кайра "аларды бошоткула" дешет.
Муну жөн гана ээнбаштык, өзүм билемдик

Комментарий калтыруу үчүн өз ысымыңыз менен кириңиз же каттоодон өтүңүз.