Кыргызстанда 8 айда бажы төлөмдөрүнөн 25 миллиард сом жыйналды

Кыргызстанда 2014-жылдын 8 айында бажы төлөмдөрүнөн 25 миллиард сом жыйналды, бул былтыркы жылдын ушул мезгилине салыштырмалуу 13 пайызга көп. Муну парламенттин Бюджет жана финансы комитетинин 15-сентябрдагы жыйынында Мамлекеттик бажы кызматынын төрагасы Адамкул Жунусов билдирди. Анын айтымында, бажы төлөмдөрүнөн республикалык бюджетке 71 миллиард сом түштү. Бул сумма 2013-жылдын ушул мезгилиндеги көрсөткүчтөн 2 миллиард сомго көп. Жунусов быйыл импорттун көлөмү азайганын кошумчалады.

Автор: Автандил Добулбеков