Депутаттар өлкөдө алимент фондун түзүүнү сунушташууда

Жогорку Кеңештин Социалдык саясат боюнча комитетинин 16-сентябрдагы жыйынында депутат Ыргал Кадыралиева алимент фондун түзүү сунушун киргизди. Анын айтымында, бул нерсе алимент төлөөдөн качкандардын жоопкерчилигин күчөтөт. “Алимент төлөөдөн качкандардын саны жылдан-жылга өсүп жатат. Ошондуктан алимент төлөөчүлөрдүн жоопкерчилигин күчөтүү жана кирешесин жашыргандардын киреше булагын ачыкка чыгарууга түрткү берет. Азыр аталардын 30 пайызы алимент төлөбөйт экен. Ата баланы багууга милдеттүү”,- деди Кадыралиева.

Депутаттын бул сунушуна өкмөт каршы экени айтылды. “Өкмөт каршы чыгып жатат. Каражатты алимент төлөөчүлөрдүн милдеттемесине ала тургандай жол-жобо иштеп чыгып берсе болот. Ага эч кандай каражат кетпейт”,- деп кошумчалады Кадыралиева.

Автор: Жамалидин Парманкулов