Мамлекеттик органдардын ишин электрондук формага өткөрүү долбоору 3 этап менен ишке ашат

Экономика министрлигинде 16-сентябрда Кыргызстандагы мамлекеттик органдарда электрондук башкарууну киргизүү программасы боюнча кеңешме өттү. Программанын максаты - мамлекеттик органдарда маалыматтык-коммуникациялык технологияларды пайдаланууну кардиналдуу түрдө жакшыртуу. Программа 3 этап менен ишке ашары жыйында айтылганын министрлик билдирет:

Биринчи этап 2014-жыл: Уюштуруу жана башкаруу мүнөзүндөгү даярдык көрүү иш-чаралары жүргүзүлөт.

Экинчи этап 2015-жыл: Электрондук башкаруунун жаңы нормативдик базасы түзүлөт.

Үчүнчү этап 2016-2017-жылдар: Электрондук башкарууну киргизүүгө зарыл болгон бардык нормативдик-укуктук актылар кабыл алынат жана программа толук ишке ашырылмакчы.

Автор: Автандил Добулбеков