Ош шаардык кеңешинин депутаты эстакадалык көпүрөнүн аталышы ката жазылганын сынга алды

Ош шаардык кеңешинин 17-сентябрдагы жыйынында депутат Дөөлөтбек Кокочоров шаардын Навои көчөсүндө курулуп жаткан эстакадалык көпүрөнүн аталышы туура эмес жазылганын сынга алды. "Мына, бизге сессияда көрсөтүүгө коюлган тактаны карагыла, "эстокадный мост" деп жазылып турат. Бизде ушундай катачылык кетип жатса, башкасын тим эле коёлу",- деди ал.

Шаардын вице-мэри Замирбек Аскаров депутат тарабынан айтылган сынды туура кабыл аларын билдирип, кечирим сурады.

Автор: Айсана Паизова