Кыргызстанда августта салык планын аткарбаганы үчүн 20 кызматкер жазаланды

Салык органдарында иштеген 20 жетекчи август айында салык чогултуу планын аткарбаганы үчүн жазаланды. Муну 17-сентябрда Мамлекеттик салык кызматынан билдиришти. 10 жетекчиге катуу сөгүш берилсе, 4 башчыга сөгүш, 6сына эскертүү берилди. Кыргызстанда август айында 3 миллиард 731 миң сом салык жыйналып, бул пландагыдан 81,8 миллион сомго көп экенин билдирет мекеме. Ал эми 2013-жылдын ушул мезгилине салыштырмалуу салык жыйноо 448,9 миллион сомго же 13,7 пайызга өсүптүр.

Салык органдарынын жетекчилерине сентябрда салык чогултуунун белгиленген планын 100 пайызга аткаруу тапшырмасы берилди.

Автор: Автандил Добулбеков