Аламүдүн районунда уурулук фактысына шектелип туруктуу жашаган жери жок жаран кармалды

Аламүдүн районунда уурулук фактысына шектелип 41 жаштагы жаран кармалды. Бул тууралуу Чүй ОИИББинин басма сөз кызматы бүгүн, 17-сентябрда билдирди.

Маалыматка караганда, милиция кызматкерлерине аталган райондун тургуну кайрылган. Анда ал белгисиз адамдар Аламүдүн айылында жайгашкан кафенин эшигин сындырып, ичиндеги эмеректерди, идиш-аяктарды уурдап кетишкенин айткан. Иликтөө иштеринин жүрүшүндө кылмышка шектелип, туруктуу жашаган жери жок 41 жаштагы жаран кармалган.

Учурда кылмыш иши козголуп, тергөө амалдары жүрүп жатат.

Автор: Бекжан Рыскулов