Эртең Бишкектин жана Чүйдүн айрым жерлеринде электр жарыгы өчүрүлөт

Эртең, 18-сентябрда Бишкектин жана Чүйдүн айрым жерлеринде электр жарыгы өчүрүлөт. Бул тууралуу "Түндүк электрдин" басма сөз кызматы билдирди.

Маалыматка караганда, саат 09:00дөн 17:00гө чейин Бишкек шаарынын Кулатов, Байтик баатыр, Элебаев, Малдыбаев, Токомбаев көчөлөрүндө, Гражданская көчөсүнөн Төрөкул Айтматов көчөсүнө чейин Чүй Чоң көчөсүндөгү №115, 117, 119-көп кабаттуу үйлөрүндө; Исанов, Ташкентская, Жибек Жолу, Манас, Абаканская, Сарыкулов, Новгородская, Камчатская, Иваницина көчөлөрүндө, Мраморный тар көчөсүндө жана Киргизия-1 кыштагында №707, 426, 1673, 2000,1070-чордондорунун жабдыктарын оңдоо жана жаңыртуу иштери, “Парковая”, “Кыргызская” көмөк чордондорунан тараган 10 кВт аба электр чубалгыларын оңдоо иштери жүргүзүлөт. Буга байланыштуу электр жарыгы өчүрүлүшү ыктымал.

Чүй облусунун Аламүдүн районуна караштуу Маевка (Родниковая, Южная, Ала-Арчинская, Новая, Кара-Суйская, Виноградная, Жаш Гвардия, Саадаева, Совхозная, Набережная көч., Маевка орто мектебинде) конушунда; Жайыл районуна караштуу Полтавка (Партизанская, Комсомольская көч.) айылында “Кара- Балта”, “Тепличная” көмөк чордондорунан тараган 10 кВт аба электр чубалгылары ондолот (оңдоо иштерине байланыштуу электр жарыгы үзгүлтүккө учурайт.

Мындан сырткары Бишкектеги Токтогул, Тимирязев, Атбасарский, Кузбасская, Деповская, Алтымышев, Рылеев, Нахимов, Островский көчөлөрүнө жана Макеевский, Механический, Омский, Таджикский тар көчөлөрүнө "акылдуу" эсептегичти орнотуу иштерине байланыштуу электр жарыгы өчүрүлөт.

Автор: Айпери Ганыжан кызы