Депутаттар кышка даярдык боюнча облус өкүлдөрүн да угууну сунушташты

Жогорку Кеңештин 18-сентябрдагы жыйынында депутаттар кышка даярдык боюнча облустук, райондук администрациялардын өкүлдөрүнүн маалыматын угууну талап кылышууда. Депутат Ташполот Балтабаев: "Вице-премьер Валерий Дилдин айтымында, баары жакшы экен. Жергиликтүү бийлик жетекчилеринин да маалыматын угалы. Алар кышка даярбы? Эртең эле кыш келет, алардан "эй, губернатор, баягыда минтип айттың эле го" деп талап кылгыдай бололу",- деди.

Мындай сунушту башка депутаттар да колдоого алышты. Жыйынтыгында облус башчыларына, Ош менен Бишкектин мэрлерине 3 мүнөттөн сөз берүү чечими кабыл алынды.

Автор: Автандил Добулбеков