Жоомарт Оторбаев: "Таңсыктыкты жабуу үчүн гидроэнергетикага альтернативдүү булактар табылды"

“Таңсыктыкты жабуу максатында гидроэнергетикага альтернативдүү булактар тандалып алынды”,- деп билдирди премьер-министр Жоомарт Оторбаев Жогорку Кеңештин 18-сентябрдагы жыйынында. Анын айтымында, каралып жаткан мезгил аралыгында электр энергиясы жаатында 2,3 миллиард киловатт-саат көлөмүндө таңсыктык боло тургандыктан, гидроэнергетикага альтернативдүү булактар - көмүр жана газ тандалып алынды. “Ушу тапта калкты көмүр менен камсыз кылуу үчүн анын көлөмү менен баасы такталып, жер-жерлерде атайын базалар ачылды. Мындай чаралар көмүр баасынын кескин өсүп кетүүсүнө бөгөт болот деген ойдобуз”,- дейт ал.