Санкт-Петербургдун жашоочусу "кыргызстандык жигит менен арак ичип бүткөн соң аны өрттөп салды" деп айыпталууда

Орусиянын Санкт-Петербург шаарында 47 жаштагы Алексей Фетисовго "КРнын 26 жаштагы жаранын өрттөп салды" деген айып тагылууда. Бул тууралуу бүгүн, 18-сентябрда Орусиянын Тергөө комитетинин башкы башкармалыгына шилтеме берүү менен орусиялык басылмалар жазып чыгышты.

Маалыматтарга ылайык, аталган окуя 2014-жылдын 14-сентябрында Санкт-Петербургдун Невск районундагы Седов, 99/3 дарегинде орун алган.

“Кылмышка шектүү адам 1988-жылкы кыргызстандык менен арак ичип, аны өлтүрүү ниетинде батирди кошо өрттөп салган. Өрт кырсыгынан улам кыргызстандык жаран каза тапкан.

Айыпталуучу камакка алынып, ага карата Орусиянын Кылмыш-жаза кодексинин “киши өлтүрүү” беренеси боюнча кылмыш иши козголгон. Тергөө амалдары уланып жатат” деп жазышты басылмалар.

Автор: Нургазы Аматов