Жалал-Абад облусунда “хизбутчу" деп шектелген 7 аял кармалды

Жалал-Абад облусунда “Хизбут-Тахрир” диний-экстремисттик уюмунун активдүү мүчөсү деп шектелген 7 аял кармалды. Бул тууралуу Жалал-Абад ОИИБинин басма сөз кызматы бүгүн, 30-сентябрда билдирди.

Маалыматка караганда, кечээ, 29-сентябрь күнү “Антитеррор” операциясын өткөрүү учурунда “Хизбут-Тахрир” диний-экстремисттик уюмунун аялдар канатынын 7 активдүү мүчөсүнүн үйлөрүнө тинтүү жүргүзүлгөн. Анын жыйынтыгында 60 даана “Аль-Вай” журналы, диний-экстремисттик мүнөздөгү 80 даана диск, 47 даана китепче, “Хизбут-Тахрир” уюмуна таандык болгон 57 даана баракча, 17 даана кол жазма баракча, 23 даана жазуу дептери алынган. Азыркы учурда экспертизалар дайындалып, тергөө амалдары жүргүзүлүп жатат.

Автор: Бекжан Рыскулов
Фото: Жалал-Абад ОИИБи