Бишкекте Карылар күнүнө карата уюштурулган иш-чарада 60 жыл чогуу жашаган жубайлар сыйланышты

Концерттик программанын жүрүшүнөн.

Сахнада төкмө акын Аалы Туткучев.

Иш-чарада 50-60 жылдан бери үй-бүлө очогун бирге тутантып келаткан жубайларга белектер тапшырылды.

Иш-чаранын алып баруучулары.

Майрамдык салтанатка келген карылар.

Салтанаттын жүрүшүнөн.

Карыларды окуучулар кол чаап күтүп алышты.

Бүгүн, 30-сентябрда Бишкектеги Токтогул Сатылганов атындагы Улуттук филармонияда 1-октябрь – Карылардын эл аралык күнүнө карата майрамдык иш-чара өттү. Улгайган адамдарды куттуктап Бишкек шаардык кеңешинин төрагасы Марат Аманкулов, Ленин райондук акимчилигинин өкүлдөрү келишти. Иш-чарада 50-60 жыл чогуу жашаган түгөйлөргө белектер тапшырылды. Концерт уюштурулуп, артисттер, төкмө акын Аалы Туткучев жана бийчилер өнөрлөрүн тартуулашты.

Марат Аманкулов: “Кадырман аталар, ак элечек энелер, сиздерди майрамыңыздар менен куттуктайбыз! "Карысы бардын ырысы бар" дегендей, өз күчүңүздөрдү биздин жаркын келечек үчүн жумшадыңыздар. Сиздердин эмгегиңиздер эч качан унутулбайт. Баарыңыздарга таазим кылуу менен чың ден соолук, бакубат жашоо каалайбыз”,- деди.

Автор: Динара Абдыкадырова