Быйыл жаңы жыйналган төө буурчактын түшүмүнөн 791 тонна экспорттолду

25-сентябрга карата көрсөткүчтө быйылкы жылдын түшүмүнөн 14 сатып алуучу фирма аркылуу дүйнөнүн 7 өлкөсүнө 791 тонна төө буурчак экспорттолду. Бул тууралуу бүгүн, 1-октябрда КРнын Айыл чарба министрлигинин басма сөз кызматы кабарлады.

Маалыматка ылайык, тазаланган түшүмдүн баасы 75-78 сомду түзсө, тазаланбаганы 70 сомдон сатылууда. Кыргызстандын төө буурчагын эң көп көлөмдө алган өлкө - Түркия мамлекети. 2010-жылдын ушул маалында төө буурчактын баасы 18-22 сом (жазында 28 сомдон сатылган), 2011-жылы 28-30 сом (жазында 35 сом), ал эми 2012-жылы 30-35 сом деп бааланган (жазында 50 сомго чейин жеткен) деп кошумчалашат министрликтен.

№	Алган мамлекет	Канча тонна алды?
1	Түркия	374 тонна
2	Болгария	88
3	Сербия	176
4	Македония	43
5	Румыния	219
6	Босния жана Герцеговина	22
7	Грузия	66
	Жалпысынан	791 тонна

Кошумчалай кетсек, үстүбүздөгү жылдын июнь айында чыгарылган көрсөткүчтө чет мамлекеттерге өткөн жылдын түшүмүнөн 56 112 тонна экспортко 18 өлкөгө жөнөтүлгөнү аныкталган. Анын 70,5 пайызы (же 39 538,9 тонна) Түркияга экспорттолгон.

Автор: Максат Кудайбердиев