Сокулук районунда жолдорду оңдоо боюнча өткөн тендерде бир катар мыйзам бузуулар катталган

Сокулук районунда жолдорду оңдоо боюнча өткөн тендерде бир катар мыйзам бузуулар катталган. Бул тууралуу ИИМдин басма сөз кызматы бүгүн, 2-октябрда билдирди.

Маалыматка караганда, 2012-жылдын апрель айында Ак-Жол айылындагы жолдорду оңдоо боюнча тендер өткөн. Тендердин жыйынтыгында жеке ишкана жеңүүчү деп табылган. Бирок ишкананын жолдорду оңдоп-түзөө боюнча лицензиясы жок болгон. Буга карабай Ат-Башы айыл өкмөтүнүн кызмат адамдары ишкана менен келишим түзүшкөн. Текшерүүнүн жүрүшүндө оңдолгон жолдор тиешелүү талаптарга жооп бербегени аныкталган. Учурда бул факты боюнча кылмыш иши козголуп, тергөө амалдары жүрүп жатат.

Автор: Бекжан Рыскулов