Кыргызстанда октябрда күйүүчү майдын тартыштыгы болбой турганы айтылды

Бүгүн, 2-октябрда маалымат жыйынында КРнын Нефтетрейдерлер ассоциациясынын президенти Медетбек Керимкулов: “Кыргызстанда октябрда күйүүчү майдын таңсыктыгы күтүлбөйт”,- деп билдирди.

Анын айтымында, мунай сатуучулар республиканы күйүүчү май менен тийиштүү көлөмдө камсыздашууда. “Бүгүнкү күндө Кыргызстанда мунайзат рыногунун сыйымдуулугу жылына 1 миллион тоннаны түзөт. 2014-жылдын 9 айында республикага жалпысынан 811 миң тонна алынып келинген (425 миң тоннасы бензин, 386 миң тоннасы дизель майы). Сентябрдын аягына карата күйүүчү майдын калдыктары болжол менен 76 миң тонна болот. Ошондуктан күйүүчү майдын калдыктары мурдагы деңгээлде сакталып, бардык аймактар боюнча керектөөчүлөрдү камсыздоого шарт түзөт”,- деди ал.

Автор: Нургазы Аматов
Фото: Нургазы Аматов