"Дордой" базарында бычактан жараат алып каза тапкан адамдын өздүгү такталды

"Дордой" базарындагы "Кербен" кичи базарында бычактан жараат алып каза тапкан адамдын өздүгү такталды. Бул тууралуу Бишкек ШИИББинин басма сөз кызматы бүгүн, 3-октябрда билдирди.

Маалыматтарга караганда, каза тапкан жаран Ош облусунун 41 жаштагы И.Бактияр аттуу тургуну экендиги аныкталган. Учурда бул кылмышка катыштыгы барларды кармоо иштери жүрүп жатат.

Айта кетсек, кечээ, 2-октябрь күнү "Кербен" базарынын аймагынан белгисиз адамдын жансыз денеси табылган. Жансыз денеде бычактан алган 25 жараат бар экени белгилүү болгон.

Автор: Бекжан Рыскулов