Президент Алмазбек Атамбаев аялдардын никеге туруу эркиндигин коргоого багытталган мыйзамга кол койду

Президент Алмазбек Атамбаев «КРнын Кылмыш жана жаза кодексине өзгөртүү киргизүү жөнүндө» мыйзамга кол койду. Бул тууралуу бүгүн, 26-январда Президенттин аппаратынын маалыматтык саясат бөлүмү билдирди. Аталган мыйзам Жогорку Кеңеш тарабынан 2012-жылдын 20-декабрында кабыл алынган. Анда адамдарды иш жүзүндө никелик мамилелерге өтүү максатында ала качкандыгы үчүн, ошондой эле аялды анын эркине каршы никеге туруу максатында ала качуу үчүн кылмыш-жазасын күчөтүү аркылуу он жети жашка толо элек адамдардын укугун, аялдардын никеге туруу эркиндигин коргоону күчөтүүгө багытталган.

Автор: Мээрим Жеңишбек кызы