Кыргызстанда соттук аткаруучулар боюнча жаңы мыйзам иштелип чыкты

Бүгүн, 7-октябрда Бишкекте Соттук реформа боюнча жумушчу топтун отуруму өтүп жатат. Иш-чаранын жүрүшүндө аталган топтун мүчөсү Улан Сатаров “Аткаруучу иш жүргүзүү жана соттук аткаруучулар жөнүндө” мыйзам долбоору менен тааныштырды. Анын айтымында, бул мыйзам долбоору аткаруучу иш жүргүзүүнүн максатын жана милдетин тактайт. "Мыйзам долбоорунун максаты - аткаруучу документтерди пайдалуу, толук жана өз убагында аткаруу, ал эми милдети - жарандардын укуктарын, эркиндигин жана мыйзамдуу кызыкчылыктарын коргоо",- деди Сатаров.

Мындан тышкары ал соттук аткаруучу ага тиешелүү документ түшкөн соң, аны аткарууга милдеттендирилиши керектигин баса белгиледи.

Автор: Нургазы Аматов
Фото: Нургазы Аматов