Жогорку Кеңеш маданият, маалымат жана туризм министри кылып Алтынбек Максүтовду шайлады

Жогорку Кеңештин 8-октябрдагы жыйынында Алтынбек Максүтов маданият, маалымат жана туризм министри болуп шайланды. Анын талапкерлигине 84 депутат "макул", 4 депутат "каршы" деп добуш берди. Төрага Асылбек Жээнбеков аны министр болуп шайланышы менен куттуктап, ишине ийгиликтерди каалады. Айта кетсек, Максүтов "Ар-намыс" фракциясынын квотасы боюнча министрлик кызматка шайланды.

Алтынбек Максүтов:

Туулган жылы - 1972-жыл, 13-октябрь.

Улуту - кыргыз.

Билими - жогорку. Москвадан Щепкин атындагы Жогорку театралдык окуу жайды аяктаган.

Буга чейин Т.Сатылганов атындагы Улуттук филармониянын башкы режиссёру болуп иштеп келген.