Бишкек шаарындагы сауналардын биринде өрт чыкты

Бишкек шаарындагы сауналардын биринде өрт чыкты. Бул тууралуу Өзгөчө кырдаалдар министрлигинин басма сөз кызматы бүгүн, 8-октябрда билдирди.

Маалыматка караганда, 7-октябрь күнү саат 23:18 чамасында өрт кырсыгы тууралуу маалымат келип түшкөн. Анда Бишкек шаарынын Логвиненко көчөсүндө жайгашкан сауналардын биринде өрт чыкканы айтылган. Аталган жерге өрт өчүрүүчүлөр барышып, саат 02:50дө толук өчүрүшкөн. Тилсиз жоонун кесепетинен саунанын 90 чарчы метр чатыры, 100 чарчы метр ички жасалгасы күйгөн. Учурда өрттүн келип чыгуу себептери такталууда.

Автор: Бекжан Рыскулов