Бүгүн Бишкекте миграциялык саясат боюнча жыйын өтөт

Бүгүн, 8-октябрда Бишкекте Эмгек, миграция жана жаштар министрлигинде миграциялык саясат боюнча жыйын өтөт. Бул тууралуу аталган мекеменин басма сөз кызматы билдирди.

Маалыматка ылайык, иш-чара “КРнын Эмгек, миграция жана жаштар министрлигинин Европалык комиссия жана Миграциялык саясатты өнүктүрүү боюнча эл аралык борбор менен кызматташтыгы” темасына арналат. Бул долбоордун максаты - жарандарга эл аралык миграция боюнча маалымдоонун сапатын жакшыртуу.

Айта кетсек, аталган министрлик Миграция тармагындагы коммуникациялык стратегия долбоорунда 2013-2014-жылы иштей баштаган.

Автор: Нургазы Аматов