Ашууда калган чабандардын абалы жакшы экендиги белгилүү болду

Ашууда калган чабандардын абалы жакшы экендиги белгилүү болду. Бул тууралуу ӨКМнын басма сөз кызматы бүгүн, 9-октябрда билдирди.

Маалыматтарга караганда, 9-октябрда саат 10:45те Түрк-Абад айылынын тургуну, 1992-жылы туулган Мирзахид Мусаев буга чейин ошол жактан келип калган Сталбек Абдыровго байланышка чыгып, 1992-жылы туулган Кудайберди Үсөнов экөө 500 баш койду айдап Көк-Суу жайлоосунан Сузак районунун Саз жайлоосуна ашып өтүшкөнүн кабарлаган.

Ал эми Беш-Мойнок айылынын 4 тургуну 1500 баш койду айдашып, Тогуз-Торо районунун аймагын көздөй жол алгандыгын билдирген. Ошондой эле атуулдардын жана жандыктардын абалдары канааттандырарлык экендигин кошумчалаган.

Ал эми куткаруучулар, медицина кызматкерлери жана каза болгон Толкунбай Абдыровдун туугандары Көк-Суу жайлоосунда суука карышып каза болгон жарандын денесин алып келгени жана башка чабандардын абалын билүү үчүн тик учак менен учуп кетишти.

Автор: Мирлан Өмүралиев