Жыл башынан бери "Лейлек" чек ара отрядында контрабандалык жүктү алып өтүү боюнча 15 факты катталган

Жыл башынан бери Баткен облусундагы "Лейлек" чек ара отрядында жалпы суммасы 18 миллион сомду түзгөн контрабандалык жүктү алып өтүүгө аракет кылган 15 факты катталган. Бул тууралуу бүгүн, 10-октябрда Мамлекеттик чек ара кызматынын басма сөз кызматынан билдиришти.

Маалыматка ылайык, үстүбүздөгү жылдын башынан бери аталган аймактын көзөмөлүндөгү кыргыз-тажик чек арасында бир куралдуу жаңжал орун алып, ошондой эле аталган аймакта ок-дарылар табылган эки учур катталган.

Кошумчалай кетсек, учурда "Лейлек" чек ара отрядында чек ара инфраструктурасын куруу жана жакшыртуу боюнча иш-чаралар кызуу жүрүүдө.

Автор: Мальвина Уметбекова