Өткөн сутка ичинде республика аймагында 10 өрт кырсыгы катталып, Бишкекте 2 кабаттуу темир контейнердин ички жасалгалары күйгөн

Өткөн сутка ичинде республика аймагында 10 өрт кырсыгы катталды. Бул тууралуу ӨКМнын басма сөз кызматы бүгүн, 13-октябрда билдирди.

Маалыматка караганда, Бишкек шаарында 3, Нарын облусунда 1, Ысык-Көл облусунда 2, Талас облусунда 2, Ош облусунда 1, Ош шаарында 1 өрт кырсыгы катталган.

Бишкекте “Имарат курулуш” ишканасына тиешелүү 2 кабаттуу темир контейнердин 48 чарчы метр ички жасалгалары күйгөн. Өрттүн келип чыгышына электр ширетүү иштеринде коопсуздук эрежелеринин бузулушу себеп болгон.

Автор: Бекжан Рыскулов