Аламүдүн районунда айылдык кеңештин депутатынын мурда бир канча жолу сот жообуна тартылганы аныкталды

Айылдык кеңештин депутатынын мурда бир канча жолу сот жообуна тартылганы аныкталды. Бул тууралуу ИИМдин басма сөз кызматы бүгүн, 15-октябрда билдирди.

Маалыматка караганда, Үрүстөм Исаков аттуу жаран 2012-жылы Аламүдүн районуна караштуу Пригородное айылдык кеңешинин депутаты болуп шайланган. Иликтөө иштеринин жүрүшүндө аталган жаран мурда “тоноо”, “мыйзамсыз курал сактоо”, “кылмышты жашыруу”, “ээн баштык” беренелери боюнча сот жообуна тартылганы аныкталган. Учурда бул боюнча тергөө амалдары жүрүп жатат.

Автор: Бекжан Рыскулов