Бишкек мэриясынын басма сөз кызматы 21-октябрда борбор калаага жылуулук берүү боюнча маалымат берди.
Анда Кыргызстандын "Курулуш климатология" менен "Курулуш жылуулук техникаларынын" эрежелери жана нормаларына ылайык, Бишкек шаарында жылуулук берүү сезону 150 суткадан турары айтылган.
Маалыматка караганда Бишкек шаарына жылуулук ноябрда абанын температурасы беш күн катары менен +8°Cдан төмөн болгондо берилет. Ал эми апрель айында абанын орточо температурасы беш күн катары менен +8°Cдан жогору болгондо жылуулук берүү токтотулат.