Токон Мамытов: “Бүткүл дүйнөгө коркунуч келтирген “Ирак жана Леванта ислам мамлекети” кыймылын бир да мамлекет жалгыз токтото албайт”

“Бүткүл дүйнөгө коркунуч келтирип жаткан “Ирак жана Леванта ислам мамлекети” (ИГИЛ) кыймылы - глобализмдин жыйынтыктарынын бири. Аны бир да мамлекет кызматташтыксыз жалгыз токтото албайт”,- деди бүгүн, 22-октябрда "ИГИЛ келе жатат. Кантип Кыргызстанды исламдык ренессанстын таасиринен сактоо керек?" деген тема боюнча тегерек столдун жүрүшүндө КРнын Атайын кызматтарынын генерал-лейтенанты Токон Мамытов.

Анын айтымында, акыркы 20-30 жылдын ичинде дүйнөдө глобализация ишке ашып, бүгүнкү күнү анын жыйынтыктары орун алууда. “Учурда ресурстардын түгөнүшүн жана алар үчүн күрөштөрдү байкап жатабыз. Мындан тышкары дагы бир коркунуч - дүйнөнүн калкынын кескин түрдө өсүшү. Мунун баары террорчулуктун пайда болушуна алып келди. Мурда 3-дүйнөлүк согуштун чыгып кетүү коркунучу болгон. Бирок биз муну аттап өттүк. Учурда бүткүл дүйнөлүк согуштун орун алышы кооптуу болууда”,- деди Мамытов.

Мындан тышкары ал “Ирак жана Леванта ислам мамлекети” кыймылы боюнча өз пикири менен бөлүштү. “Бул уюмдун үч булагы бар: идеологиялык, доктриналдык жана уюштуруу булактары. ИГИЛдин курамында мыкты офицерлер бар. Алардын айрымдары сириялык армиянын офицерлери, Советтер Союзунун же батыш академияларында аскердик билим алган офицерлер. Мындай көрүнүш бул уюмдун күчтүү аскер системин далилдейт”,- дейт Токон Мамытов.

Автор: Нургазы Аматов
Фото: Нургазы Аматов

12:24 22-10-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (1)

Dadin1

2014-10-22 13:24:43

Быжыр-быжыр деп суйлой бербей конкреттуу кадамдарды кылбайсынарбы.Кыргызстандагы мечиттердин баарын текшеруу керек,диний экстремистик адабияттарды тараткан,сектага айланган мечиттерди жаап хизбут-молдолорду камаш керек.Кеч боло электе катуу чараларды корушубуз керек.Кыргызстанда,1 айылга 5 мечиттин кереги барбы?Ошол 5 мечиттин 1 гана туура Исламдык нукта билим берет,калган 4 экстремистик уюмдардын офистери.ГКНБ,МВД эмне учун толук кандуу иш алып барышпайт,аларга талапты катуу койуу керек!

Комментарий калтыруу үчүн өз ысымыңыз менен кириңиз же каттоодон өтүңүз.