Муфтияттын өкүлү Кыргызстанда “Ирак жана Леванта ислам мамлекети” күчөп кетпеш үчүн салттуу исламды жайылтууну сунуштады

“Кыргызстанда “Ирак жана Леванта ислам мамлекети” кыймылы (ИГИЛ) күчөп кетпеш үчүн ислам дининин ханафия мазхабын жайылтуу керек, анткени бул салттуу ислам болуп саналат”,- деди бүгүн, 22-октябрда "ИГИЛ келе жатат. Кантип Кыргызстанды исламдык ренессанстын таасиринен сактоо керек?" деген тема боюнча тегерек столдун жүрүшүндө.

Анын айтымында, исламдын ренессансы (кайра жаралышы) жаман көрүнүш эмес. “ИГИЛ кыймылынын тез күчөп жаткандыгы бүткүл дүйнөгө коркунуч келтирүүдө. Кыргызстан үчүн да бул абдан коркунучтуу. “Ушул коркунучка кандай каршы чараларды көрсөк болот?” деген суроого жооп издөө керек. Менин оюмча, өлкөдө салттуу исламды жайылтуу эң туура багыт”,- деди муфтияттын өкүлү.

Автор: Нургазы Аматов
Фото: Нургазы Аматов