"Кызды сабап, денесине оор залал келтирген" деген шек менен Бишкектин тургуну кармалды

"Кызды сабап, денесине оор залал келтирген" деген шек менен Бишкектин тургуну кармалды. Бул тууралуу бүгүн, 22-октябрда Бишкек ШИИББинин басма сөз кызматынан билдиришти.

Маалым болгондой, милицияга арыз менен борбор калаанын 20 жаштагы Н.Нуржан аттуу тургуну кайрылган. Анда ал Улан аттуу жигит аны себепсиз ур-токмокко алып, денесине оор залал келтиргенин айткан.

Жүргүзүлгөн иш-аракеттердин натыйжасында шектүү катары шаардын 26 жаштагы С.Улан аттуу тургуну кармалды. Учурда иликтөө иштери жүрүүдө.

Автор: Мальвина Уметбекова